16 наурыз күні Атырауда отбасындағы жанжал кезінде күйеуі өзінің 58 жастағы жұбайын пышақтап өлтірді.
62 жастағы күдікті полиция бөліміне жеткізілді. Атырау облыстық полиция басқармасы «Адам өлтіру» бабы бойынша қылмыстық істің тіркеліп, тергеп-тексеру амалдарының басталғанын хабарлады.
Тұрғындардың сөзінше, күйеуінің қолынан қаза тапқан әйел мұғалім болған. 63 жастағы ер адам мас күйінде осындай қылмысқа барған.
«Аталған дерек бойынша «Адам өлтіру» бабы бойынша қылмыстық іс тіркеліп, сотқа дейінгі тергеп-тексеру басталды. 62 жастағы күдікті ұсталып, полиция бөліміне жеткізілді. Оқиғаның барлық мән-жайы анықталып жатыр. Тергеу мүддесіне сәйкес өзге ақпарат жария етуге жатпайды», – деп мәлімдеді облыстық полиция департаменті.