Түркістан қаласы 2026 жылға арналған жасыл инфрақұрылым мен көгалдандыру жоспарын табанды түрде жүзеге асыруда. Президенттің “Таза Қазақстан” акциясы аясында қала аумағын көркейту, экологиялық тұрақтылықты қамтамасыз ету және тұрғындар үшін жайлы, таза ортаны қалыптастыру бағытында жүйелі жұмыстар жүргізілуде.
Қазіргі таңда қаланың жалпы аумағы 772 гектарды қамтитын 300 нысан тұрақты күтімге алынған. Оның ішінде: 36 саябақ (342 га) – демалыс пен табиғат сүйгіш тұрғындар үшін жасалған жайлы кеңістік; 80 гүлзар мен аллея (169 га) – қаланың эстетикалық келбетін арттыратын көркем жасыл желек; 168 көше (134 га) – көшелерді көгалдандыру арқылы қала микроклиматын жақсарту; 16 жасыл алаң мен алаңқай (127 га) – қоғамдық кеңістіктерді адамдар үшін тартымды ету жұмыстары жүргізілуде. Қаладағы жасыл қордың қазіргі жағдайы да әсерлі: 1 487 680 дана ағаш пен бұта; 8 гектар гүлзар аланы бар, 345 гектар газон аумағы күтіп-бапталуда. Бұл көрсеткіштер Түркістанның жасыл инфрақұрылымының жыл сайын кеңейіп келе жатқанын, қаланың экологиялық тепе-теңдігін сақтау мен микроклиматын жақсарту бағытында кешенді жұмыстың нәтижесін айқын көрсетеді. 2026 жылға арналған стратегиялық жоспар бойынша көгалдандыру көлемі едәуір ұлғайтылады.264 000 дана ағаш пен бұта отырғызу жоспарланған, оның ішінде 79 000 дана көктемде, 185 000 дана күзде егілетін болады, Қала аумағына 2 миллион дана біржылдық және көпжылдық гүл отырғызу қарастырылған. Сонымен қатар, қаланың 10 көшесінде жасыл қоршаулар қалыптастыру жұмыстары жүргізілуде. Бұл жобалар тек қала көркемдігін арттырып қана қоймай, шаң-тозаң деңгейін төмендетуге, экологиялық таза орта қалыптастыруға үлес қосады.
Көгалдандыру және тазалық жұмыстарын жүзеге асыратын мердігер мекемелер 772 гектар аумақты қамтитын парктер, скверлер мен көшелерді күтіп-баптауды жауапкершілігіне алады. Жұмыстар жекеше және мемлекеттік серіктестіктер арқылы, бес жылдық келісім аясында тұрақты түрде орындалады. Ауқымды жобада 1000–1500 қызметкер, 51 ірі техника және 2000-ға жуық шағын техникалық құрал жұмылдырылған. Барлық күш-қуат Түркістан қаласын жасыл желекке бай, гүлдермен көркемделген, таза қалаға айналдыруға бағытталған. Дирекцияның жұмысы “Таза Қазақстан” акциясына сәйкес үйлестіріліп, мемлекеттік тапсырмалар толық орындалады. Әкімдік пен дирекцияның үйлесімді жұмысы арқасында қала тұрғындары мен қонақтары үшін қаланың көркем, жасыл әрі қауіпсіз ортасы қалыптастырылуда.
Түркістан қаласының тазалық және көгалдандыру мекемесінде жұмыс істейтін екі қызметкер өз жұмысынан үлкен қанағат сезінетіндерін айтты. Олар қаланың көркеюіне өз үлестерін қосып жатқанын мақтанышпен жеткізді. “Біз әр күн сайын көшелерді, скверлерді, парктерді күтіп-баптаймыз. Көрген сайын қала қалай өзгеріп, жасыл желекке оранып бара жатқанын көргенде, жұмысымыздың қаншалықты маңызды екенін түсінеміз,” – дейді бірі. Екіншісі өз ойымен бөлісіп: “Тұрғындар таза, жасыл ортада демалып, гүлзарлар мен алаңдарда серуендегенде, өзіміздің еңбегіміздің жемісін көргендей боламыз. Түркістанның көркі – біздің қолымызда,” – деп атап өтті. Қызметкерлердің айтуынша, әр ағаш, әр гүлзар – тек көркемдік қана емес, сонымен қатар қаладағы экологиялық тұрақтылық пен тұрғындардың жайлы өмір сүру ортасын қалыптастыруға үлес қосады. Олардың еңбекқорлығы мен адалдығы арқасында Түркістан қаласы жыл сайын көркейіп, жасыл желекке оранып келеді. Бұл әңгіме – қаланың көркеюі мен жасыл инфрақұрылымның дамуының тек әкімдік немесе дирекцияның ғана емес, әрбір қызметкердің қажырлы еңбегінің нәтижесі екенін айқын көрсетеді. Түркістан тұрғындары үшін жасалған жасыл аймақтар мен гүлзарлар – тек эстетикалық көрініс емес, қаланың тыныштығы мен экологиялық тепе-теңдігінің кепілі.
Әкім Әзімбек Пазылбекұлының көрегендігі мен табандылығы, еңбекқорлығы мен стратегиялық шешім қабылдау қабілеті арқасында Түркістан қаласы инновациялық, жасыл және табиғатқа құрметті қалаға айналып отыр. Оның басшылығымен жүргізіліп жатқан жобалар қаланың экологиялық дамуын қамтамасыз етіп, тұрғындардың өмір сүру сапасын жақсартуда, әрі қаланы болашаққа дайын, қауіпсіз және тартымды орталыққа айналдыруда маңызды рөл атқарады.